Etorkizuneko bertsolariak fin ibili ziren Arrasaten

Egubakoitzean, maiatzak 14, jokatu zen Arrasateko Gaztelupe Ikastolan Gipuzkoako Eskolarteko Txapelketako hirugarren kanporaketa. Idatzizko lanak egin zituzten lehenengo 360 neska-mutikok: Arizmendi ikastolako Almen, Gaztelupe, eta Gazteluondo guneetakoek, eta Oñatiko Txantxiku eta Azpeitiko Ikasberri ikastolakoek. Gai bat eman eta horri buruz bakoitzak bertso batzuk idatzi zituen. Ondoren, bat-bateko saioari ekin zieten Gaztelupeko aretoan.

Gazteenek taldeka eta nagusiagoek bakarka, bat-bateko lanak ere egin zituzten zenbaitek egubakoitzean. Horien artean egon zen bakarka aritu zen Jon Irizar oñatiarra.

Finala 28an

Laugarren eta azken kanporaketa datorren astean jokatuko da Ordizian, eta horren ostean jakingo da maiatzaren 28ko finalera zeintzuk pasako diren.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.