Espainiako txapelketan lan txukuna eginda itzuli dira Debagoieneko Eskalatzaileak Valladolidetik

Joandako zapatuan jokatu zen Valladoliden Espainiako Kopako lehen proba eta lan ona eginda itzuli dira gureko ordezkariak. Debagoieneko Eskalatzaileak taldetik lau eskalatzailek hartu zuten parte. Mikel Velascok ez zuen zortea aldeko izan eta helduleku batek irrist egin eta gero, 46. postuan burutu zuen zapatukoa. Sub 18ko kategorian Kepa Bruña 9. izan zen eta 16. Iñaki Velasco. Jon Martinezek 3. eskuratu zuen, eta ondorioz podiumera igo, sub 20kan. Podiumetik oso gertu Miriam Mulas ibili zen, sub 16koan, 6. postuarekin.