Eneko Goiak dioenez "une historiko bat izango da, Foru Gobernuak bere erabakia jakinaraziko du bertan, Espainiako bandera foru jauregian jartzeko epaiari buruz, eta pertsona asko daude une hori gure erakundearekin konpartitu nahian. Historian zehar, derrigorrez bete behar izandako hainbat erabakiren mendean egon behar izan du gure gizarteak. Dagoeneko gainditutzat jotzen genituen halako egoerak, baina berriz ere une historiko anakroniko baten aurrean gaude, gure herriaren gehiengoak duen borondatearen kontrako une bat baita. Horregatik, duela egun batzuk lurralde historiko honetako hautetsiei egindako gonbidapena luzatu nahi diet herritar guztiei".
Lehengo astean zehar, Markel Olano diputatu nagusiak gutun ofizial bat
bidali zien alderdi guztietako hautetsiei, foru gobernuak zuen asmoaren
berri emanez eta larunbateko ekitaldi ofizialean parte hartzera
gonbidatuz.
Diputatuen Kontseilua ordubete lehenago (goizeko 10etan) bilduko da,
aparteko batzarrean, adierazpen instituzionala onartzeko. Hain zuzen
ere, adierazpen instituzional hori irakurriko du diputatu nagusiak
ekitaldian, bere gobernukide guztiek lagunduta.