Azken ordua: Natale Landa arrasatearra eraman du (15:15) atxilotuta Guardia Zibilak. Bestalde, Xabier Arregi eta Jose Luis Elkoro bergararen etxera joan da Guardia Zibila baina ez zeuden etxean une horretan. Askatasunak jakinarazi duenez, Espainiako Poliziak Alberto Frías, Elena Beloki, Txema Matanzas, Jexux Mari Zalakain, Javier Salutregi, Javi Balanzategi, Joxe Mari Olarra, Mikel Korta, Iñaki O'Shea, Juan Mari Mendizabal, Jose García Mijangos, Iker Casanova, Natale Landa, Manu Intxauspe, Olatz Egiguren eta Mario Zubiaga daude atxilotuen artean. Auzitegiak dio gaur ez duela epaiaren autoa aterako.
Espainiako Auzitegi Nazionalak '18/98 auziko' 46 lagun atxilotzeko agindua eman du. Tartean Natale Landa arrasatearra eta Jose Luis Elkoro eta Xabier Arregi bergararra daude. Espainiako Auzitegi Nazionalak 18/98 auziko 46 lagun atxilotzeko agindua eman du gaur, haiek ihes egiteko "arriskua" dagoela uste duelako. Espainiako Auzitegi Nazionalak dio gaur ez duela epaiaren autoa aterako. Baliteke abenduaren 10ean ateratzea sententzia.
Maite Ariztegi GOITBn
Maite Aristegik, '18/98 +' plataformako bozelamaileak, Goiena Telebistari esan dio epai politikoa dela eta eskubide zibilak zapaldu direla. Maite Aristegik gaineratu du "auziperatuek ez dute delitu zantzurik eta espero zitekeen berri txarrena izan da."
