Esleitu dituzte Bergara eta Antzuola arteko AHTren lanak

Lehiaketara aurkeztutako hamabi aukeren artean Eusko Jaurlaritzak aukeratu du dagoeneko zeinek eraikiko duen Abiadura Handiko Trenak Bergara eta Antzuola artean egingo duen zatia.

Lanok 106.498.219,60 euroko aurrekontua izango dute eta 35,5 hilabeteko epea izango du enpresak lanak amaitzeko.  Guztira, 4.286 metro izango ditu tarte honek.

Zati malkartsua

Jaurlaritzatik esan dutenez zati hau nahiko malkartsua da, aldapa handi eta bailara txikiekin. Hartara, ia zati guztia tunelean izango da. 3,9 kilometroko tunela izango da eraikiko dutena.

Zati hau Deba ibaiaren gainean eraikiko den zubiarekin elkartuko da aurreko zatiaarekin (Bergara-Bergara); hurrengo tartearekin (Antzuola-Ezkio Itsaso) Deskarga ibaia zeharkatuko duen zubiaren aurreko lubakiaren bidez.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.