Eztula eta bestelako sintoma batzuk zituen bikoteak eta horren aurrean, ospitaleak Osasun Sailak ezarritako protokoloa aplikatu eta bikotea Txagorritxuko ospitalera bidali zituen. Han Osakidetzako epidemiologo batek aztertuko ditu.
Kalenturarik ez, lasaitasun mezua
Edozelan ere, Eskualdeko Ospitaleko larrialdi zerbitzuetatik
azpimarratu gura izan dute duten susmoa oso baxua dela. Ez dagoela ezer
konfirmatuta eta gainera, nabarmendu dute bikoteak ez zuela
kalenturarik (sintoma garrantzitsua txerri-gripearen kasuan).
Ezarritako neurriak badaezpadakoak direla aditzera eman dute. Eta
jakinarazi dute ezustekorik ezean, gaur bertan jakin ahal izango dugu
bikote horrek txerri-gripea harrapatu duen edo ez.
Era berean, Eskualdeko Ospitaletik lasaitasun mezua helarazi gura diete herritarrei, “erabateko lasaitasuna”.