Errolda zerrendak kontsultatzeko deia egin dute

Hauteskundetarako erroldaren zerrenda berriak jaso dituzte Debagoieneko udaletxeetan. Hala, herritarrei jakinarazi diete komeni dela erroldako datuak ondo dauden egiaztatzea.

Herritarrek tokian tokiko udaletxe edo udal zerbitzuetan egiaztatu beharko dute zerrendetan agertzen diren edo ez. Komeni da hori egiaztatzea maiatzeko udal hauteskundeetan arazorik ez izateko.


Horretarako aukera zabalik dago dagoeneko, eta hilaren 16ra bitartean, egun hori barne, egin ahal izango da kontsulta nortasun agiria edo bestelako agiri ofizialen bat erakutsita.

Udal ordezkariek jakinarazi dute aurreko urteetan zerrendatan agertu arren, komeni dela aurten ere dena ongi dagoela egiaztatzea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.