Besteak beste, Oñatin, Arantzazurako bidea eta Bergaran Gorlarakoa arriskutsu daude gidariendako, harantz abiatu eta buelta hartu dute hainbat autok. Herrizaingo Sailaren arabera honakoa da mendateen egoera:
Arantzazu: Zabalik
Arlaban: Kontuz
Deskarga: Kontuz
Elgeta: Kontuz
Kanpanzar: Kontuz
Kurtzeta: Kateak autoek eta gainontzekoendako itxita
Gatzaga: Kontuz
Udana: Kontuz
Esan bezala, errepidean kontuz ibiltzeko gomendioa egiten dute, besteak beste autoak erraz gurutza daitezkeelako elurra baitago hainbat bidetan.
Eguazteneko iragarpena
Euskalmet, Euskadiko Meteorologia Agentziaren arabera, bihar, eguaztena, gaur bezala, hotza izango da hizpide. Toki askotan tenperatura maximoak zeropetik geratuko dira eta hotza areagotuko du ipar haize finak, barnealdeko zenbait lekutan sentsazio termikoa -10 ºC -tik beherakoa izateraino. Zerua lainotuta mantenduko da eta orokorrean euri arina egingo du. Elurra, gutxi loditu arren, 100 m-ren bueltan agertuko da. Izotza lurralde osoan egingo du. Gure ibarrean ere zerua oso hodeitsu egongo da eta elur arina egingo du. Ipar-haizeak joko du eta tenperatura jaitsiko da.