Eroskiko bazkideek dibidenduak ez kobratzea erabaki dute

Eroskiko bazkideek asteburuon egin dute urteko batzarra Elorrion, eta bertan onartu dute krisiari aurre egiteko, momentuz dibidendurik ez kobratzea. Diru hori, kapitaliziorako erabiliko da, hau da, Eroskiren baliabideak indartzeko.

Batzarrean bildu ziren 500 langile-jabeen ordezkariek eta  kontsumitzaile bazkideek hartu dute erabakia, eta erabaki honek bazkide diren 8000 langileri eragingo die, ez baina bazkide ez diren beste 47000 langileri.

Erabaki honekin, atzerapen ekonomikoak eragin duen kontsumo jaitsierari aurre egin gura zaio, baita Eroskiren kaudimena indartu ere.

Ez da baina krisiari aurre egiteko orain arte  Eroskin hartu den neurri bakarra; gogoratu behar da duela hilabete batzuk bazkideen soldatak izoztea erabaki baitzuten.

Zapatuko batzarrean beste gai batzuk ere landu zituzten. Hala, 2008ko kontuak onartu zituzten, baita 2009rako lan ildoak aurkeztu ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.