Horretaz guztiaz informatu dute egunotan zenbait komunikabidek –Correo taldekoak eta Noticias de Gipuzkoa-k, batik bat–, Eroskiko iturriak aipatuz.
Proiektuaren nondik norakoak azaltzeko batzarretara deitu dituzte langile bazkideak, abenduaren 14tik 21era bitartean.
Erabaki gunea
Egitura aldaketa handiak ekarriko lituzke EMES proiektua onartzeak, eta, dirudienez, Eroskiko agintariak horren oso aldekoak dira. Gaur egun Eroski Taldeak Eroski S.Coop. delakoaren bidez eragiten du EAEn, eta kanpoan, filialen bidez; bada, filialak elkarte kooperatibo bihurtuko lirateke; Eroskiren erabakitzeko eskumena bigarren mailako kooperatiba batek izango luke, eta hor parte hartuko lukete kooperatiba berriek eta Eroski S.Coop.-ek; eta, zenbait ahots kritikok ohartarazten dutenaren arabera, Eroskiren erabakitzeko gunea Euskal Herritik irten eta Espainian kokatuko litzateke.