Eroski munduko kooperatibarik handiena izango da 2010ean

2007ko datuen aurkezpena egin du Eroskik asteon Madrilen eta bertan eman zuen berria Eroski Kooperatibako presidente Costan Dacostak; 2010 urtean Eroski munduko kooperatibarik handiena izango da. Hori lortzeko beharrezkoak diren neurri juridikoak aztertzen eta zehazten dabiltza orain. 2010erako gaur egun Eroskin lan egiten duten 50.000 langileak bazkide egin nahi dituzte-eta. Gaur egun 50.587 langiletik 13.331 dira bazkideak.

Kooperatibatik azaldu dute balitekeela urte honen amaierarako guztia prest egotea 2010erako aurreikusten duten aldaketa horretarako. Dena dela, argitu nahi izan dute, proiektua lantzen dabiltzala oraindik, eta ez daukatela proiektu zehatzik oraindik.

Kooperatiba mistoa

Hala ere, badirudi Eroskik bigarren mailako kooperatiba mistoa eratu nahi duela. Hau da, alde batetik gaur egungo kontsumitzaileen Eroski Sozietate Kooperatiboa egongo litzateke, eta beste alde batetik langileak, eta hauek ere bazkide izango dira.

Eroskitik azaldu dute proiektu horren helburua dela kooperatiben espiritua indartzea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.