Gero eta presentzia handiago du MCCk nazioartean eta ia 80.000 langile izatera iritsi da. Hego Euskal Herrian ere datuak oso onak dira: eta erkidegoko enpleguaren %3.8 sortu du eta Nafarrokoaren %1.4.
Euskadiko Kutxa eta Eroski nagusi
Gauzak horrela, iaz, sei langiletik batek MCCko industria enpresatan egin zuen lan. Euskadiko Kutxa eta Eroski izan ziren enplegu kooperatiboaren bultzatzaile nagusiak. Ia 11.500 langileri eman zioten lana Hego Euskal Herrian. Gipuzkoan soilik 20.000 zuzeneko enplegu baino gehiago eman zituen.
Arduradunak gustura
Taldeko buruak oso pozik agertu dira, izan ere, azken aldian ekonomia moteldu egin den arren, MCCren datuak positiboak dira. Bai kooperatiba taldearen barruan eta baita zeharkako lanpostuei begiratuz gero ere. Izan ere, zuzeneko enpleguez gainera MCCk garatzen duen jarduerak beste 18.600 lagunentzako lana eragin zuen erkidegoan.
Ekarpenak
MCCk Erkidegoko Barne Produktu gordin osoari erantsitako balioa %3,8 izan zen 2005ean eta %8,3 industriaren arloan. Nafarroan, egindako ekarpena %1,1eko izan zen, eta industrian egindakoa %1,4. Horrek esan nahi du aipatutako ekitaldian, Erkidego osoan sortu zen 26 euroko aberastasunetik 1 MCCk garatutako jardueretatik iritsi zela.