Sindikatuen esanetan, Patronalak gero eta era basatiagoan dihardu, eta gobernuak Patronalaren menpe daude, milaka langileren egoera larria eraginaz.
Hori dela eta, eredu ekonomiko eta soziala aldatzeko garaia da sindikatuen ustetan, eta horretarako, hamar urrats planteatzen dituzten. Besteak beste, proposatzen dute langileen baldintzak hobetzea eta politika sozial eta fiskaletan aldaketak egitea.
Sinadura bilketa
Dagoeneko hasi dira enpresatan kanpaina honen aldeko sinadurak batzen; Bergarako Candyn esaterako, 250 sinadura inguru batu dituzte, Oñatiko Zahorren, 170 eta Arrasateko Udalean, 130 inguru.
Helburua da baina, herritarrek eurek ere bat egitea kanpaina honekin, eta hala, zapatu honetan bertan, Oñati eta Bergarako herriko plazetan eta Arrasateko Seber Altuben eta Maxieroskin egongo dira sinadurak batzen. Hiru herrietan ere, 12:00etatik 14:00etara egongo dira firmak batzen. 150.000 sinadura bildu gura dituzte Hego Euskal Herrian.
Gaur Emakumeen Aurkako Indarkeriaren Kontrako Nazioarteko Eguna dela aprobetxatuz gainera, indarkeria mota honi aurre egiteko hamaika urrats ere planteatu dituzte sindikatu abertzaleek.