Lehen aldia da Euskal erakundeek kontsumoaren alorrean euskararen aldeko arauak dekretu bidez ezartzen dituztela. Oinarrian, hiru lege daude: Autonomi Estatutua (1979), Euskararen Legea (1982) eta Kontsumitzaileen eta Erabiltzaileen Estatutuaren Legea (2003).
Erabileraren alde
Euskarak milaka hiztun berri ditu, baina arlo sozio-ekonomikoan eta lan munduan egoera ez da ona. Horregatik, bai euskaraz bai espainolez atenditzera behartzen ditu dekretuak hainbat erakunde eta enpresa: hain zuzen, erakunde publikoek, interes orokorreko zerbitzuek, komunikazio operadoreek, garraio publikoa erregulatzen dutenek, energia elektrikoa banatzen duten enpresek eta gas naturala merkaturatzen dutenek.
Saltokiei dagokienez, 250 langiletik gora dituzten saltokiek eta 400 metrotik gorakoek bete beharko dute. Horretarako, laguntzak emango dituzte.