Eraikuntzako lan istripuen arrazoi nagusia kontzientziazio falta dela ondorioztatu du CCOO sindikatuak

Irati Goitia 2010ko urr. 5a, 16:00

LOTU programaren barnean ateratako ondorioa da hori. LOTU, Eusko Jaurlaritzaren, Confebasken, eta, CCOO eta UGT sindikatuen akordiotik sorturiko kanpaina da. Eraikuntzetan izan ohi diren altueretako jauziak murrizteko helburuarekin sortu zen.


Debagoienean, esaterako, azken 9 hilabetetan 24 obra bisitatu dituzte. Gaur, obra horietan aurkitu dituzten arazo nagusien berri eman dute: homologatu gabeko babes sistemak, babestu gabeko zuloak, dokumentazio falta obretan eta egoera txarrean dauden eskailerak, besteak beste.
Hala ere, azpimarratu nahi izan duten arazo nagusia kontzientziazio falta dela; bai langileen aldetik eta baita enpresaburuen aldetik ere. Aipatu dute langileek sarri azkartasunari ematen diotela garrantzia eta ez segurtasunari. Bestalde, enpresaburuek segurtasuna gastu bezala ikusten jarraitzen dutela ere esan dute. Hori aldatzea beharrezkoa dela aldarrikatu dute, bestela, istripuak eta heriotzak gertatzen jarraituko dutelako. Sentsibilizazio lan handia egiteko dagoela esanez amaitu dute hitzaldia.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak