Aramaio
Itur-Zuri elkarteak antolatuta gaur bideo-kafea: Las chicas de la lencería, 18:30ean kultura etxean. Itur-Zuri emakumeen elkarteak antolatuta, aste osoan izango dira ekintzak.
Aretxabaleta
Emakumeen Eguna ospatzeko, aste osoan egingo dira ekintzak. Hala, gaur eta eguenean, emakumeak protagonista diren filmak eskainiko dira. Gainera, ikastaroa ere antolatu du Berdintasun sailak. Esan, gaur, elkarretaratzea egingo dutela 18:00etan, herriko plazan. Lehenengoz egingo da eta emakume taldearekin batera antolatu dute.
Arrasate
Gaur, manifestazioa egingo dute Arrasateko kaleetatik. Seber Altuben hasiko da 19:00etan. Gainera, 18:00etan kale antzerkia izango da Seberon. Martxoaren 8ko kartelen erakusketa ere badago Emakume Txokoan. Hemen gaurko eta aste osoko ekintzen berri.
Oñati
Oñatin elkarretaratzean egingo da herriko plazan 19:00etan. Hitzaldia ere egingo da hilaren 16an.