Arrasate, Aretxabaleta, Eskoriatza, Leintz Gatzaga, Oñati eta Bergararen ostean, Goiena Telebistak digitalera salto egiten duen zazpigarren herria da Elgeta. Bi herri geratzen dira oraindik ere GOITB lurreko telebista digital bidez ikusten ez dutenak, Antzuola eta Aramaio. Bi herri hauetara seinale digitala zabaltzeko lanean dabiltza teknikoak, eta gutxi barru beraz, Debagoiena osoan ikusi ahalko da Goiena Telebista lurreko seinale digitalaren bidez.