Euskarazko informazio gutxi orain arte
Euskarazko termino baten bilaketa egiterakoan orain arteko bilatzaileek ez dute, oro har, bilatu nahi den terminoari buruz euskarazko informaziorik aurkitzen lehen ekarpenean. Arruntena da terminoarekin zerikusia duten ingelesezko orriak agertzea lehendabizi eta ondoren beste edozein hizkuntza handietako orriak, gaztelania kasu.
Egoera hori ematen da merkatuan dauden Internet bilatzaileek euskarazko informazioa duten webguneak ezagutzen ez dituztelako, eta horrek, noski, ondorio zuzenak ditu: erreferentziazko euskarazko eredurik ez izatea edota informazioa itzuli beharra, esaterako.
Erabiltzeko erraza
Oztopo hori gainditzeko sortu du Eleka enpresak Elebila: euskarazko edukiak dituzten webguneetan informazioa bilatuko duen Interneterako lehen bilatzailea.
Modu estandarrean erabiltzen da: leiho bat egongo da erabiltzaileak bilatzen dabilen terminoa sar dezan bertan, eta Elebilak aurkitutako emaitzak erakutsiko ditu.
Aukera bi daude bilaketa egiteko: euskarazko orrialdeetan edo edozein hizkuntzatan.