Batzarra eta manifestazioa egin du ELAk Oñatin

Ekainaren 29rako deituta dagoen greba orokorrerako bi aste besterik ez dira falta, eta dagoeneko, grebak arrakasta izan dadin antolatzen hasiak dira sindikatuak.

ELA sindikatuko Deba eskualdeko ordezkariekin batzarra egin dute eguerdian Oñatin, azaltzeko eta eztabaidatzeko zergatik eta zertarako egin greba.

150 lagun inguru batu dira bertan: Oñatin izan dira Deba eskualdeko enpresa garrantzitsuenetako ordezkariak. Lehenengo batzarra egin dute, eta jarraian Espainiako Gobernuaren lan erreformaren aurkako manifestaldia.


ELA, LAB, ESK, STE/EILAS, EHNE eta HIRU sindikatuek batera deitu dute greba orokorra ekainaren 29rako. Euskadiko CCOOk bere aldetik egin du deialdia ere egun bererako.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.