Goizeko 11:30ean izan da manifestazioa “Hitzarmen duinaren alde, Gipuzkoako metala borrokan” leloarekin. 10 hilabete pasa dituzte Gipuzkoako sindikatuek eta Adegik herrialdeko langileen hitzarmen kolektiboa negoziatzen, baina oraindik ez dira akordio batera heldu.
LAB eta ELA sindikatuen arabera, atzo hasi eta bihar bukatuko den greba beharrezkoa da, azken 30 urteetan metalgintzaren arloko langileek lortutako lan baldintzak galtzeko arriskuan daudela uste dute-eta.
Gaurko greba egunak atzokoaren antzerako jarraipena izan duela adierazi du Patxi Zubizarretak, Debagoieneko ELA sindikatuaren metaleko arduradunak, hau da, %80 ingurukoa. Adegik ordea, grebaren jarraipena %15ean kokatu du; hala ere, negoziatzeko prest dagoela adierazi du.
Gaurko greba egunaz, goizeko manifestazioaz eta Adegik grebaren jarraipenari buruz eginiko balorazioaz hitz egin du Patxi Zubizarreta ELAko ordezkariak protestaren amaieran.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak