Bilduma hori itxiko duen zazpigarren liburua egiterako inspirazio bila etorri da Espainia eta Euskal Herriko kobak bisitatzera. Guk Lezetxikitik jaitsi ostean, Garagartzako plazan harrapatu dugu Jean M. Auel, haren senarrarekin, Lezetxikiko indusketen arduradun Alvaro Arrizabalagarekin eta AEBetako Antropologia aditu Lawrence Guy Straussekin batera.
Udaleko hainbat ordezkarik ere harrera egin diote Garagartzan, eta Udaleko Bisita Ilustreen liburuan sinatzearekin bat, Arrasate Irudiak liburua oparitu diote oroigarri moduan.