Ekodiseinu gela 2004an sortu zuten Ihobe sozietate publikoak, Foru Aldundiak eta MUren Eskola Politeknikoak. Gela horretako ikasleek ekodiseinua ikasten dute; eta, urtarriletik irailera, enpresekin jarduten dute, euren proiektuak interesa duten enpresetan aplikatuz.
Orain arte, 26 ikasle ibili dira gela horretan, eta hainbat enpresatan 30 proiektu landu dituzte: tartean egon dira Fagor Arrasate, Etxetresna Elektrikoak, Automation eta Hometek; Matz-Erreka; JMA; Cegasa-Solac; eta baita bailaratik kanpoko enpresa ezagunak ere, hala nola CAF, Insalus, Laster edo Urbil merkataritza-gunea.
Orain, hain zuzen ere, ekodiseinuan interesa duten enpresa bila dabiltza, ikasleek lan hori egin dezaten. Bestalde, 2010-2011 ikasturtean, berritasun bat izango dute: master bat egiteko aukera emango dute.