EKAk etika barik saltzen diren medikamentuen kontra egin du

Gaur, martxoak 15, Kontsumitzaileen Nazioarteko eguna da. Hala, Euskal Herriko Kontsumitzaileen Antolaketak, EKAk, etika barik saltzen diren medikamentuen kontra egin du. Urtero, 45.500 milioi euro bideratzen dira kontsumitzaileen osasuna arriskuan jartzen duten farmaziako marketinetara.



Nazioarteko Kontsumitzaile elkarteak, NIk, egindako ikerketaren arabera, farmazia konpainia askok botikek eragin dezaketen arriskuak eta ondorioak ezkutatzen dituzte. Botiken salmenta ugaritzeko gaixotasun baten gaineko kanpainak ere egin dituztela adierazi du Nazioarteko Kontsumitzaileen elkarteak.

Egindako ikerketetan arazo honen aurrean Gobernuek ez dutela neurririk hartzen ondorioztatu dute eta beraz, kontsumitzaileen eskubideak bortxatzen direla adierazi dute. Hemen Nazioarteko Kontsumitzaileek egindako kanpainaren gaineko informazio gehiago.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.