Negozio bolumena
2007ko datuek erakusten dute Fagor Etxetresna Elektrikoak 7,9 milioi euro irabazi zituela urtarriletik ekainera arte. Hortaz, %98 gutxiago irabazi dute 2007ko uztailetik 2008ko uztailera arte.
Balio Merkatuaren Espainiako Batzordeari igorritako datuek diote Fagor Etxetresna Elektrikoak 841,8 milioi euroko negozio bolumena izan duela lehen seihilekoan. Hortaz, urtebetean %5,5 jaitsi da. Salmenta kopuruak behera egin du linea gehienetan: alde batetik, etxetresna handiak biltzen dituen linea zuriak 745,4 milioi euro gutxiago irabazi ditu. Alegia, %4 gutxiago. Era berean, gainerako produktuen salmentak, hau da, etxetresna txikien, erosotasunaren eta sukalde altzarien salmentak %9 jaitsi dira. Hortaz, 134 milioi euro irabazi dituzte.
Fagor taldeak 2009-2012 plan estrategikoa bukatzeko asmoa du irailean zehar. Besteak beste, nazioarteko merkatua indartu gura dute; eta berrikuntzak erabilita, euren sektorean liderrak izan gura dute. Gainera, energia berriztagarrien aldeko apustua egin gura dute.