Arlaban-Eskoriatza doan
Bi tarteen irekierarako egutegi bat adostu dute erakundeek, azpiegitura osoa zerbitzuan jartzeko. Arlaban eta Eskoriatza arteko zatia apirilaren hasieran irekiko dute, Aste Santua baino lehen. Horrela, Isuskitza tunelaren bidez Gipuzkoa eta Araba lotuko dituzte. Tunelak hiru kilometroko luzera du. Arlaban-Eskoriatza tartea irekita eta Arrasate-Eskoriatza zatia amaitu arte, hau da, AP-1 guztiz zabaldu bitartean Arlaban-Eskoriatza tarteko erabiltzaileek ordaindu behar ez izatea adostu dute bi Aldundiek. Arrasate-Eskoriatza tarteari dagokionez, luizi batek obren amaiera atzeratu du. Luizia Apotzaga tuneleko hegoaldeko sarbidetik hurbil gertatu zen, duela aste batzuk. Kalteen konponketak Arrasate-Eskoriatza zatia amaitzeko lanak atzeratuko ditu. Horregatik, ekainean irekitzea espero dute. Orain arte amaituta eta zabalik dauden autobidearen hiru zatiak 300 milioi euro kostatu dira: Maltzagatik Epele artekoa, hain zuzen.