Eguraldiak laguntzen badu Pertseidak ikusteko aukera egongo da gaur

Pertseidak edo ‘San Lorentzoren malkoak’ ikusteko aukera egongo da gaur, 19:30etatik 22:00etara eguraldiak laguntzen badu. Hiriguneko argitasunetik urrun, zeru zati handi bat ikus daitekeen kokaleku bat aukeratzea komeni dela azaldu dute Donostiako Zientziaren Kutxaguneak eta Iruñeko Planetarioak.

Uztailaren 17tik abuztuaren 24ra arte iraungo du Pertseiden meteoro jasak, baina gaurkoa izango da egun bereziena, meteoro jasak indar handiena hartuko duen eguna baita; 80-120 meteoro inguru ikusi ahal izango dira orduko.

Jatorria

Swift-Turttle kometan dute jatorria Pertseidak. Kometa horren isatsak utzitako hautsaren eremutik pasatzen da Lurra urtero sasoi honetan. Hauts hori (meteoro txikiak) Lurraren atmosferan jausten da, eta izar uxoen argiuneak sortzen dira. Iruñeko planetarioaren eta Donostiako Zientziaren Museoaren helbideetan lor daiteke informazio gehiago.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.