81 izan dira guztira omenaldia jaso duten debagoiendarrak, eta guztiei ere oroigarri bana banatu zaie. Ziarretaz eta Garaikoetxeaz gain, alderdiko beste hainbat izen ezagun ere egon dira bertan: Iñaki Galdos batzarkidea, Jesus Mari Larrazabal Gipuzkoako zerrendaburua eta Onintza Lasa Gipuzkoako zerrendan bigarrena.
Ziarretak eta Garaikoetxeak hartu dute hitza ekitaldian, eta biek ere, udaletan lanean dabiltzan alderdikideen lana goraipatu dute.
Hauteskundeen harira, Ziarretak esan du EAk beti bultzatu izan duela politikaren erregenerazio etikoa, eta beti mantendu izan dituztela euren printzipioak, alderdiaren interesen edo interes pertsonalen gainetik gizartearen interesak jarriz.
Garaikoetxearen bere aldetik, azken hilabete hauetan alderdi batzuen jarrera iruzurtia salatu du. Esan du, euren artean gauzak ondo konponduta dituzten arren, PSOE eta EAJ bipolarizazioa lortzeko saiakeran dabiltzala.