EAJk aurkeztu die gainerako alderdiei EAEk gobernatzen duen udaletarako mozioa

Euzko Alderdi Jeltzaleak aurkeztu die gainerako alderdi politikoei Eusko Abertzale Ekintzak gobernatzen duen udalerrietan aurkeztuko duen mozioa. Euzkadi Buru Batzarrak ez du helarazi mozio horren gaineko xehetasunik, baina hainbat komunikabidek argitaratu dute nondik nora joango den.

Horren arabera, lau puntutan exijituko dute:

  • giza duintasunaren errespetua, eta bereziki bizitzarako eskubidea
  • giza eskubide guztien eskubideen defentsa
  • pluralismo politiko, soziala eta ideologikoa onartzea
  • apustu egin dezaten bakarrik bide demokratiko eta politikoengatik eta elkarrizketarengatik

Horrekin batera, ETAren azkeneko agiria eta azkeneko atentatuak printzipio horien aurkakoak direla ere onar dezaten eskatuko diete tokian tokiko Udalei. Eta gaineratu dute esandakoa onartzen ez duten karguen dimisioa eskatuko dutela.  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.