Romerok esan du Gipuzkoak aurrera egin ahal izateko, lehendabizi ezagutu egin behar dela, bereziki etorkizuneko guneak. Arantzazu gune horietako bat dela gaineratu du batzar orokorretako presidenteak. Arantzazun kultura, espiritua, erlijioa, ingurugiroa eta historia nahasten direla adierazi du Romerok.
Iñaki Beristain Arantzazu Gaur fundazioko ordezkariak eta Jonan Fernandez Baketikeko zuzendariak eskertu egin dute batzar orokorretako kideen bisita. Adierazi dute gipuzkoar guztiak ordezkatzen dituztela; era berean, Arantzazu ere Gipuzkoa osoaren mesederako dagoela gogorarazi dute.