Debagoieneko hainbat eta hainbat lagunek kirolaren alde egindako isilpeko lana errekonozitzeko asmoarekin jaio dira DKS sariak, eta baita herri mailako kirolariak eta elitekoak saritzeko ere; eta, biharkoa izango da lehen ekitaldia.
Parte-hartzearekin, pozik
DKS Sariak koordinatzen dabilen Artemaneko Gorka Etxabek adierazi du gustura daudela jendearen erantzunarekin. Izan ere, gainontzeko finalistak epaimahai bidez aukeratu badituzte ere, herritarren saria debagoiendarren esku utzi dute: "La Caixako bulegoetan jarri genituen kutxetan guztira 60 boto jaso ditugu, eta Internet bidez beste 240 lagunek eman dute botoa". Hain zuzen, bi sari eskuratzeko hautagai bakarra Arrasateko atleta Zuhaitz Ezpeleta da, herritarren sariarekin batera atleta onenaren saria ere jaso dezake-eta.
Udalen sariak ere bai
Beheko zutabean daude biharko ekitaldian saria jaso dezaketen finalistak, baina eurekin batera, kontutan izan DKSko antolatzaile diren Aretxabaletako, Eskoriatzako, Oñatiko, Leintz Gatzagako, Aramaioko eta Elgetako Udalek eurek aukeratutako herritar bat sarituko dutela. Ekitaldian, gainera, Edu Muruamendiarazen Aukeran dantza taldeak esku hartuko du.
Finalisten zerrenda:
Gizonezko kirolari onena
> Zuhaitz Ezpeleta (atleta).
> Alberto Iñurrategi (mendizalea).
> Iban Velasco (ziklista).
Emakumezko kirolari onena
> Maider Unda (borrokalaria).
> Jone Muxika (ziklista).
> Marisol Ramos (atleta).
Talde onenaren saria
> MU-Ointxe! (Saskibaloia).
> Eskoriatza (Saskibaloia).
> Oñatiko Triatloi Taldea.
Kirol babesle fidelaren saria
> ULMA
> Soraluce Koop.
> Ford Mugarri.
Kirolari anonimoaren saria
> Maria Jose Gil (atleta).
> Bixente Pagaldai (atleta).
> Patxi Gorosabel (errugbia).
Herritarren saria
> Zuhaitz Ezpeleta.
> Maider Unda.
> Fernando Zufiria.
> Reyes Azkoitia.
> Joseba Iñurrategi.
Kirol ibilbidearen saria
> Biharko ekitaldian emango dute sarituaren izena.
Entrenatzaile onenaren saria
> Biharko ekitaldian emango dute sarituaren izena.