Eusko jaurlaritzak 750.000 euroko diru-partida onartu du dirulaguntza horiek finantzatzeko. Terrorismoaren biktimei laguntzeko zuzendaritzak kudeatuko du programa hori, eta interesa duten udalek bertara zuzendu beharko dituzte eskaerak. Biztanle kopuruaren araberako dirulaguntzak jasoko dituzte. 5.000 biztanle baino gutxiagoko Udalek gehienez 10.000 euro jasoko dituzte, eta 50.000 biztanle baino gehiagokoek 40.000 eurora arteko dirulaguntza lortu ahal izango dute.
Kentzera, legez behartuta
Erakunde publikoak legez behartuta daude terrorismoaren biktimendako iraingarriak izan daitezkeen pintadak, argazkiak edo kartelak kaleetatik eta hormetatik kentzera. Terrorismoaren biktimen aitorpenerako eta konponketarako legeak behartzen ditu horretara. Dirulaguntza horiek eskuratzeko fakturak, dokumentazio grafikoa eta udal ziurtagiriak aurkeztea beharrezkoa izango da.