Diputazioko suhiltzaileak borrokan daude lan baldintza hobeen alde

Arantzazu Ezkibel Galdos 2010ko urr. 9a, 15:20
Gipuzkoako Diputazioko suhiltzaileen kolektiboa borrokan dabil lan baldintza hobeen alde. Oñatiko suhiltzaile-etxean irakur daitekeen pankartan jartzen du: 'Markel Olano: Reala primeran suhiltzaileak terzeran'. Hain zuen, alderaketa horrekin eskatu nahi dutena da euren baldintzak hobetzea.

Izan ere, Diputazioko suhiltzaileen baldintzak erkidegoko beste diputazioetako eta udaletako suhiltzaileen baldintzak baino eskasagoak dira: "Eskatzen dugu txanda bakoitzean langile gehiago izatea; baldintza ekonomiko hobeak; eta, lan baldintza hobeak", dio suhiltzaileen bozeramaileak.

Zortzi suhiltzaile-etxe

Diputazioak kudeatzen ditu zortzi suhiltzaile-etxe. Donostiakoak Udalarenak dira eta horiek ez daude borrokan. 

Protestekin hasiko dira

2010eko ekainean Diputazioak lan baldintzak aldatu zizkien; hala, euren baldintzak eta gainerakoenak aztertu ostean konturatu dira baldintza txarrak dituztela, eta gainera hainbat lan muxu truk egiten dituztela. Gaur egun, Diputazioarekin harremanetan daude; baina, negoziazioak luze joz gero, protestak egingo dituzte.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak