Mingain urdinaren gaitza dela-eta, urtea amaitu bitartean Gipuzkoako 165.000 ardiri txertoa jarriko diete, tartean ibarrekoei ere. Hala jakinarazi zuen eguaztenean Landa Garapenerako Departamentuko buru Rafael Uribarrenek. Kanpaina abian jarri dute dagoeneko. Txertoa jarritako lehenengo animalia horiei beste dosi bat eman beharko zaie lau asteren buruan.
Mingain urdinaren gaitzak behiei ere eragiten die, eta, beraz, haiei ere txertoa jarriko dietela azaldu zuen Uribarrenek. Kanpaina hiru aste barru hasiko da. Txertoen kostuak Diputazioak hartuko ditu bere gain.
Ardiei txertoa jartzen hasi ziren eguaztenean, azaroak 14an, eta urtea amaitu bitartean iraungo du mingain urdinaren aurkako kanpainak. Guztira, 165.000 ardiri txertoa jarriko diete Gipuzkoan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak