Debako Luzaro L.H.I eskolako bosgarren mailako gazteek irabazi dute 'Debarroa Menditik Itsasora' kanpainaren barruan antolaturiko argazki lehiaketa. 'Gure landa ingurua gure altxorra' lelopean Debagoieneko zein Debabarreneko 13 eskola eta ikastolak esku hartu dute argazki lehiaketan.
Arrasate, Bergara, Deba, Eibar eta Elgoibarko 13 eskola eta
ikastola, eta ehunka neska mutikok esku hartu dute
Deba Garaia eta
Debemen Landa Garapenerako elkarteek antolaturiko argazki lehiaketan.
Irabazleak
- Irabazleak Debako Luzaro L.H.I eskolako bosgarren mailako ikasleak izan
dira, eta beraientzat izan da lurretik eta itsasotik marearteko
zabalgunea ezagutzeko ibilaldi gidatua eta garaikurra.
- Bigarren Eibarko Amaña Herri Ikastetxeko hirugarren eta laugarren
mailako neska mutikoak izan dira. Bideo kamera eta garaikurra irabazi
dute.
- Hirugarren Eibarko J.A Mogel ikastola. Argazki kamera eta
garaikurra irabazi dute hirugarren sailkatuek.
Landa ingurua bultzatzeko asmoa
Deba Garaia eta Debemen elkarteek antolaturiko argazki lehiaketaren
helburua da landa ingurua bultzatzea. Gaiak, berriz, askotarikoak izan
zitezkeen; paisaia, biztanleak, nekazaritza jarduerak, kultura,
folklorea eta ohiturak, herri kirolak, baserria eta ondare
arkitektonikoa, baserriko produktuak, azokak,... eta oro har landa
inguruarekin eta baserriarekin zerikusia duten esparru guztiak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak