Orain arte Eusko Alkartasunaren izenean jardun duten Debagoieneko bost zinegotzik bat egin dute alderditik bereizi eta Alkarbide izena hartu duen taldearekin. Bergarako zinegotzi Lauri Askargortak, Elgetako Iñaki Ugarteburuk, Eskoriatzako Karmelo Lezetak eta Oñatiko Amaia Intzak eta Ernesto Murgiondok egin dute bat Iñaki Galdos buru duen alderdi berriarekin.
Bost zinegotziok jakinarazi dute aurrerantzean Alkarbideren izenean egingo dutela lan euren udaletan. Adierazi dute "erabaki mingarria" izan dela, baina "ezinbestekoa aldi berean, EAk hartu duen norabideagatik".
Diote Eusko Alkartasunaren norabide berriak ez duela botoemaleen onespenik, eta horren ondorio izan direla hauteskundeetako emaitzak.
Euren herriekiko eta herritarrekiko konpromisoa berretsi dute, eta euren ongizatea bermatzeko lanean jarraituko dutela gaineratu.
Aretxabaletako zinegotzi Lore Martinez eta Edorta Mendietak, aitzitik, Eusko Alkartasunan jarraituko dute, eta baita Arrasateko Pello Urizarrek ere. Are gehiago, dakizuen bezala Urizar bera izendatuko dute seguruenik alderdiko buru asteburuan Gasteizen egingo duten ezohiko batzarrean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak