Debagoieneko Aralarreko zinegotzi guztiek egindako prentsa agerraldian, 18/98 prozesua zentzugabea dela azpimarratu dute. Zigor eskariak gutxitzea baino, auzia behin betiko artxibatzea ere eskatu dute. Pertsonen ekintzak beharrean, kolektiboen jarrera epaitzen ari direla diote.
Gizarte mugimendu horien aurka aurrera eramaten ari diren kriminalizazio politika baztertzeko eskatzen dio Aralarrek dagokionari.
Alderdiaren ustez, 18/98 prozesuak duen izaera politikoa saltzeko modukoa da.
Fiskalak inkulpatuei zigorrak murrizteko hartutako erabakia nahikoa ez dela uste dute, eta estatuaren jarrera, eskubide politiko zein zibilak zigortzeko helburua ikusten dute. Horren aurrean, 18/98+ taldeak martxan jarritako auto-inkulpazio kanpainarekin bat egiten dute.
Era berean datorren larunbatean Bilboko Ayala Antzokian egingo den ekitaldira eta martxoak 10erako deitu dute manifestazioan parte hartzeko deialdia egiten diete herritarrei.