Pasa den urteko martxotik datozen urtetarako plan estrategikoa lantzen ibili dira Elkarhezitzen elkarteren ardatzak finkatzeko. Ardatzok, barne zein kanpo ekintzak eta helburuak definitzeko eta aurrera nola eraman finkatzeko balioko diete.
Debagoienako 5 elkartek osatzen dute Elkarhezitzen proiektua, baina ateak zabalik dituzte bai norbanakoek baita elkarteek ere parte har dezaten.
Elkarteen lanak bateratzeko
2000 urtean eratu zuten Elkarhezitzen Harreman, Serso, Hiruatx, Mugarik gabeko ingeniariak eta mundu solidarioa helburu gobernuz kanpoko erakundeek. Elkarte hauen lanak bateratu, eta bizi garen munduaren aurrean begiak irekitzea izan da beti helburua kideen esanetan.
Hezkuntza formalean, hau da, eskolatan egiten den kontzientziazio lanetan indar handia jartzen du Elkarhezitzenek, baina baita kaleko mobilizazioetan ere.
