Heldu da askok espero zuten eguna. Gaur gauean, 22:30ean hasita lehiatuko dira hiru finalistak: Aby-Kem, Belceblues eta Malenkonia. Kerobia izango da kontzertuko talde gonbidatua. Gonbidatuak, zozketak eta bestelako sorpresak izango dira.
Emanaldia Aby-Kemek hasiko du. Horren ostean, Belceblues arituko da;
eta bukatzeko, Malenkonia. Talde bakoitza ordu erdiz arituko da.
Hiru kontzertuak amaitu ondoren SMS bidez eta Espaloian dagoen boto-kutxarekin botoak emateko
aukera itxi egingo dute.
Epaimahaiak hiru finalisten arteko irabazlea eta bakarlari onena
aukeratu beharko ditu, eta Ikuslearen saria jasoko duen taldea
erabakitzeko zenbaketa egingo dute. Hori guztia
Iruñeako Kerobia
talde gonbidatuak jo bitartean. Kerobiak Rose Escargot izeneko
bigarren lana aurkeztuko du, eta 40 minutuko emanaldia egingo du.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
