Corpus Eguna, maiatzak 25
09:00 txistulari bandaren goizeresia
10:00 Txopekua Tiro Zelaian, plater tiraketa (Gipuzkoako txapelketarako puntuagarria)
10:00 Prosezioko irudiak San Migel parrokiara ekartzea
10:45 San Migelen irudia eta korporazioa, San Migel parrokiara iritsiko dira.
11:00 Parrokian meza nagusia. Mesa ondoren Corpusetako prozesioa herriko kale nagusietan
13:30 Musika bandaren kontzertua
18:15 Foru Enparantzan Oñatz dantza taldearen emanaldia Corpus eguneko dantza egitarau osoa eskainiz
19:00 Musika bandaren eskutik dantzaldia Foru Enparantzan
Umorezko bakarrizketak, pailazoak eta rock kontzertua Korpus jaietako egitarauan
Oñatiko Corpus jaiak dira asteburuan eta Kultura ekitaldirik ez da faltako jai egitarauan.
Maiatzaren 23an, Improvisados umorezko bakarrizketak egongo dira Santa Ana antzokian 22:30ean. Paramount Comedy telebista kateko kideek bat-batekotasuna, komedia eta bakarrizketa uztartuko dituzte ikusleekin jolas eginez eta hauek barrez ipini asmoz. Pedro Llamas egunerokotasunarekin kritiko azalduko da imitazioa eta interpretazioa lagun. Carlos Ramosek ikuspegi zorrotza erabiliko du antzezpen lotsagabean eta Dani Lopezek tonu alu eta surrealistan barre egingo dio edozein gauzari.
Pailazoak eta rock musika
Zapatuan, maiatzaren 24an, txikien txanda izango da arratsaldean. Txirri, Mirri eta Txiribiton junior pailazoek Irriz Irri ikuskizuna eskainiko dute. Lehen saioa 17:00etan izango da Santa Anan eta emanaldi horretarako sarrera guztiak agortu direnez, bigarren saio bat antolatu dute 18:30erako.
Gauean, gaztelekuan Supagroupek jardungo du 22:30ean. New Orleansen sortutako rock taldeak Fire For Hire azken laneko abestiak eskainiko ditu.
Borondatezko alkoholemia probak
Unibertsitate Etorbidean egingo dituzte probak, zapatuan, gauerdian
hasi eta 03:00etara. Tarte horretan, 18 urtetik gorakoek, ohiko
alkoholemia kontroletan egiten diren probak egin ahalko dituzte.
Oñatiko Udaleko Prebentzio Sailak eta Sasoia elkarteak antolatu dute
ekitaldia. Hemen informazioa.