'Busti zaitez' kanpaina egin dute gaur, Arrasaten

Pozik topatu ditugu gaur ADEMGI elkartekoak, 'Busti zaitez' kanpainaren harira. Esklerosi anizkoitzaren aurkako eguna egin dute Arrasaten, eta eguraldiak larregi lagundu ez badu ere, Musakolako kiroldegiko kanpoaldean jarritako mahaira jende dezente gerturatu da.

Gaitzaren gaineko informazioa banatzeaz gain, dirua ere batzen ibili dira. Jasotakoa zenbatu barik badute ere, 50 euroko billeteren bat zegoela nabarmendu dute, baita 10 eta 5 eurokoak ere. Kamiseten salmenta ere "nahiko ondo" joan zela aipatu dute.

Igerilekuan bustitzeko deialdiak, berriz, ez du horren harrera ona izan. Antolatzaileek horren gaineko informazio faltaz hitz egin dute eta datorren urtean, kiroldegiko sarreran elkarteko ordezkari bat jartzearen garrantzia azpimarratu dute, informazioa banatzeko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.