Urgatzi enpresak adin txikiko atzerritarrendako zentroa egokitu du Elgetako Aixola baserrian, Aldundiari enpresak eskumen hori eman diolako. 15 bat plazatarako lekua dauka zentro berriak eta hara zelabaiteko dependentzia edo arazoak dituzten etorkin gaztetxoak eramango dituzte.
Formazio tailerrak
Aldundiaren esanetan, zentro horren helburua da din txikikoak artatzea eta birgizarteratzeko ahaleginak egitea. Hala, gerora homologatuak izan daitezkeen formazio tailerrak egingo dituzte: hala nola, baratzean aritzea, igeltserotza eta beste batzuk.
Asmoaren berri jakin zuenean, Elgetako Udalak eskatu zuen zer motatako zentroa eta zelan lan egingo zuten azaltzea; eta Aldundiak ordezkari bat bidali zuen azalpenak ematera.
Gerora, Batzar Nagusietan alderdietako ordezkariek gauza bera eskatu zuten eta abenduaren 17an zentroa bisitatu zuten. Haren arduradunek azaldu zieten berau laster jarriko zutela abian.