Bihar, uztailak 9, leporaino ahalik eta gehien hurbiltzen saiatuko dira (7.300 m). Zapatuan
Broad Peaken ipar gailurrera igo (7.550 m.) eta lepora itzuli nahiko lukete, hirugarren gaua han egiteko. Mendizaleek datozen egunetarako –hilaren 12ra arte– iragarrita dagoen eguraldi lehorra aprobetxatu gura dute aurrera egiteko. Dena den, aurreikuspenek diote haizeak indartsu joko duela aste bukaeran. Eguraldiak lagundu ezkero, domekan, erdiko gailur zaila eskalatuko dute (8.013 m.) eta gailur nagusiaren magalean dagoen leporaino jaitsiko dira, azken gau oso altua pasatzeko (7.800 m. inguru).
Astelehenean, uztailak 12, eguraldi lehorreko azken orduak aprobetxatuz, zeharkaldia amaitzeko aukera izan dezakete: gailur nagusiraino igo (8.047 m.) eta espedizio gehien-gehienek erabiltzen duten bide arruntetik oinarrizko akanpalekuraino jaitsi.
Estilo alpinoan
Naturgas espedizioak Broad Peak igotzeko aukeratu duten bidea historia bitan besterik ez dute egin. gainera, Iñurrategik, Vallejok eta Zabaltzak estilo alpinoan egingo dute.
Espedizioaren webgunea.