Bosgarren urtez Hizkuntz Eskubideen Eguna ospatuko da apirilaren 6an Atarrabian

Urratsez urrats Euskal Herri euskalduna eraiki lelopean, Euskal Herrian Euskaraz erakunde euskaltzaleak datorren aprilaren 6rako V. Hizkuntza Eskubideen Eguna antolatu du Atarrabian. EHEren ustez, "bada garaia eskubide urraketak gainditu eta Euskal Herri euskalduna helburu izango duen hizkuntza politika garatzen hasteko". Atarrabiara joan nahi duten debagoiendarrentzako autobusa antolatu dute. Apirilaren 6an, 10:00etan Arrasateko Garibaitik aterako da. Bertara joan nahi dutenek ondorengo lekuetan eman dezakete izena: Aretxabaletan, Urbaltz tabernan; Arrasaten, Irati tabernan; Bergaran, Arrano tabernan, eta Elgetan, gaztetxean.