Enplegu programan parte hartzeko eskatutako gaitasun baldintzak betetzearen gaineko fitxa bete beharko dute, biharko batzarrean pertsona horiek. Hau da, duten prestakuntza, esperientzia, euskara maila eta besteren gaineko fitxa.
Fitxa hori betetzeaz gainera, hautaketa prozesuan aurrerantzean egin beharko dituzten proben berri emango diete. Edozelan ere, azpimarratzekoa da biharko batzar horretara joan ezean, antolatzaileek ulertuko dutela aurkezten ez direnek uko egiten diotela enplegua sustatzeko programa horretarako hautaketa prozesuan parte hartzeari.
Gaua bertan eman
Joan den martitzenean izan zen enplegu programa horretarako izenematea. Ilara luzeak sortu ziren Arrasateko Nafarroa etorbidean, INEMen aurrean. Batek baino gehiagok gaua ere bertan eman zuen, enplegu programarako parte-hartzea ziurtatu guran. Izan ere, formazioa emateaz gainera, lan kontratua egin eta soldata ere ordainduko diete aukeratuak izaten direnei, urtebetez. Programa bera urriaren 5ean abiaraziko dute.