Atzo bukatu ziren herriz herri ibili den Kantari karaoke ikuskizunaren zuzeneko saioak, Bergarako Jam aretoan. Oraingo honetan ere, guraso eta lagun mordoa gerturatu ziren, abesten ibili ziren ume eta gaztetxoak animatzera. Amaia Txintxurreta oñatiarraren gidaritzapean, azken saioa primeran joan zen, eta umeak ere oso pozik jaisten ziren taula gainetik. Guztira, 90 ume egon ziren, 24 taldetan banatuta. Bihar, martitzena, hasiko dira 'Kantari'-ren emisioak GOITBn.
Jam areto kanpoan, goxokiak eta antzekoak saltzen zituen furgonetatxoa ere bazegoen, gerturatzen zirenen beharrak asetzeko asmoz-edo.
Umeak, oraingoan ere, oso pozik ibili ziren gora eta behera, euren txanda noiz helduko zain, eta gurasoak eta lagunak han egote hutsak dardarka jartzen zituen. Abesten hastean, gehienak lotsatuta hasten ziren arren, amaieran, profesionalen antzera agurtzen zituzten ezagunak agertokitik.
'Kantari', telebistan
Herriz herri ibili den karaoke ikuskizunaren saio bakoitza telebistaz emateko grabatu dute; beraz, parte hartu duzuen guztiok eta zuzenean ikusteko aukerarik izan ez duzuenok, oraindik gozatzeko tarterik ere izango duzue. Izan ere, GOITBn astero ikusi ahal izango duzue, martitzen eta eguenetan, 20:15ean hasita. Beraz, adi egon guztiok, eta gozatu, udazkenean ibarreko umeak kantuan eta dantzan jarri dituen ikuskizunaz.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
