Eusko Jaurlaritzako Osasun Sailak ohar baten bidez jakinarazi du Ikastolen Elkarteak antolatutako Sopelako udalekuetan A Gripearen agerraldi "arina" atzeman dutela. Azken berrien arabera 20 dira kutsatutako neska-mutikoak, 11 eta 15 urte bitartekoak. Oñatiko eta Bergarako neska-mutikoak ere bazeuden udalekuetan; Oñatiko hiru eta Bergarako beste hiru, baina, ez dute inolako sintomarik eta ez dira A Gripeaz kutsatu.
Gurasoekin harremanetan ipinita azaldu digute gaur goizean Osakidetzako arduradunen deia jaso dutela esanez euren seme-alabak zeuden udalekuan A Gripearen agerraldia egon dela. "Esan digute gure alabak ez zuela inolako sintomarik eta ondo zegoela. Gripea kontrolatuta zegoela esan digute, eta gure esku utzi dute umeak udalekuetan jarraitzea edo etxera ekartzea. Gure alabak udalekuetan jarraitu nahi zuen, baina, gaur eguerdian ume asko etxera bueltatzen zirela ikustean deitu digu esanez berak ere etxera etorri nahi zuela", azaldu digu Itziar Baltzategik.
Bergarako hiru umeak etxean daude eta gurasoei gomendatu diete hurrengo zazpi egunetan umeak gertutik zaintzeko. Sintomaren bat agertuz gero jarraitu beharreko protokoloa ere azaldu diete.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak