Antzuolak, Elgetak eta Leintz Gatzagak osatzen duten Bideberri Mankomunitateak joan den urtean martxan jarri zuen prozesuari jarraipena emanez, aurten Emakume eta Gizonen Berdintasunerako Planaren diseinua egin du. Hilaren 9tik 11ra bitartean, hausnarketa egingo dute hiru herri horietan.
Bideberri Mankomunitateak parte-hartzean oinarritutako prozesua zabalduko du, Elhuyar Aholkularitzaren laguntza teknikoarekin. Proiektu horren helburua da hiru herri horietako ordezkari politikoek, udaletako teknikariek eta herritarrek emakumeen eta gizonen aukera-berdintasunaren inguruan hausnarketa egitea eta egungo egoera hobetzeko ekintzak proposatzea.
Horretarako, herri bakoitzean lantalde bat osatuko da eta bakoitzak bi orduko hiru bilera egingo ditu. Lehenengoaren datak dagoeneko zehaztuta dituzte:
Azaroak 9, astelehena
18:00-20:00 Elgetako udaletxean.
Azaroak 10, martitzena
18:00-20:00 Leintz Gatzagako udaletxean.
Azaroak 11, eguaztena
18:00-20:00 Antzuolako udaletxean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak