Aurreko torneoetan lortutako lehenengo postua defendatu ezinda itzuli dira Euskal selekzioko mutilak Galiziatik, baina maila oneko saskibaloia jokatuta agurtu dira. Lehenengo lehian Lasoren mutilek galdu egin zuten Kataluniaren kontra, eta hirugarren postuan sailkatzeko lehian Barberenak eta konpainiak 71-79 hartu zuten mendean Galizia.
Torneoko txapelduna Katalunia izan da, eta selekzio horretako Guillen Cuervo izendatu zuten txapelketako jokalari onena.
Barberenari dagokionez, Arrasatekoari Onda Urbana taldean EBA mailan denboraldi txukuna egin ostean iritsi zaio selekzioarekin lehiatzeko aukera.