Beherapenak uztailaren 1ean hasi ziren ofizialki. Ordurako jendeak begiz jota izaten ditu dendetan salgai dauden arropa, oinetako eta bestelakoak. Baina abuztua bukatu bezain laster, agur esan diegu beherapenei.
Aretxabaletako Belar-meta dendako Idoia Elexpuru eta Arrasateko Errekamendi dendako Arantzazu Ginartekin izan gara. Beherapenak ondo joan zaizkiela esan digute biek.
Tirantedun kamisetak, beranduago
Beherapenak hasi eta berehala hasten da jendea prezioz merkeago dauden arropa eta bestelakoak erosten; lehenengo egunetan ibiltzen da jende gehien. Arrasaten ere, aurreko urtearen antzera joan zaizkie beherapenak.
Aurtengo udan eguraldi ona beranduago hasi denez, tirantedun kamisetak, esaterako, beranduago hasi dira saltzen. Baina hala ere, denetarik saldu da.
Orain ongietorria eman behar diegu udazken-neguko arropei eta poliki-poliki dendak kolore ilunagoez janzten hasiko zaizkigu.