Gipuzkoako errepide sare nagusian egun doakoak diren zenbait bidetan bidesaria jartzeko aukera ematen duen agiria onartu dute Batzar Nagusietan. Xehetasunak zehaztu gabe daude oraindik, baina onarpen honen ondorioa izan daiteke, adibidez, Bergaratik eta Antzuolatik pasako den Beasain-Durango errepidean bidesaria jartzea. Deskargan jarriko lukete ordainlekua. Gu Bergaran izan gara, kontu hau guztia zer iruditzen zaien herritarrei galdezka. Hemen erantzunak:
N-1
errepidea eta A-15a lirateke ordaindu beharreko beste bi errepide.
Dena
den, aztertuko omen dute abantailak eskaintzea lehendik ere
errepideen finantzaketan zerga bidez parte hartzen dutenei, hau da,
erabiltzaile gipuzkoarrei; eta A-8 eta AP-1 autobideen bidesariak
egokitu beharra ere aipatzen du agiriak.
Batzar
Nagusietan gehiengo zabalez onartu dute agiria: EAJk, PSE-EEk eta
Hamaikabatek bozkatu dute alde, eta alderdi popularrak eta talde
mistoko Aralar, Ezker Batua eta Alternatibak kontra.
Hartutako
erabakiekin diputazioak foru arau bat egin beharko du orain, Batzar
Nagusietako osoko bilkurak oniritzia eman diezaion gero.
Legegintzaldi hau amaitu aurretik nahi dute behin betiko erabakia
hartzea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak